Stefan Küng dal chantun Turgovia ch’è dacurt daventà campiun d’Europa en la cursa cunter l’ura, ha stuì sa cuntentar be cun il 5avel plaz. El ha pers sin in percurs da 43,3 kilometers 1:06 minutas sin Filippo Ganna, il Talian che vegn uschia da defender ses titel da campiun mundial. Avant in onn aveva Ganna triumfà ad Imola en l’Italia. Küng aveva gudagnà l’onn passà la medaglia da bronz.
A Flandra ha Filippo Ganna gudagnà piz a cup avant il mattadur local, Wout van Aert, il ciclist da la Belgia ch’ha pers sulet sis secundas. Er la medaglia da bronz gudogna in ciclist da la Belgia, numnadamain Remco Evenepoel.
Stefan Bissegger, sper il Stefan Küng il segund trumf svizzer è vegnì 7avel tar sia premiera ad in campiunadi mundial tar l’elita. Bissegger ha pers 1:25 minutas sin Filippo Ganna.
Il glindesdi, ils 20 da settember, stat sin il program al campiunadi mundial da ciclissem la cursa cunter l’ura da las dunnas. Sco ina da las favuritas parta la Svizra Marlen Reusser.