Legenda:
Matteo Badilatti vegn 3. al Tour de l'Ain.
mad / tourdesuisse.ch
Il ciclist da cursa puschlavin Matteo Badilatti concluda il Tour de l'Ain en Frantscha sin plaz 3. Quai cun far il 5avel plaz en la terza ed ultima etappa dal Tour de l'Ain che tutga al Europe Tour – l'etappa dad Izernore a Lölex Monts-Jura.
En il classament general è Matteo Badilatti pia terz suenter il Beltg Harm Vanhoucke e 61 secundas pli plaun ch'il victur, l'Australian Michael Storer.
Per Badilatti è quai in da ses megliers resultats sper ils 3. plazs cuntanschids en il Tour da Ruanda ed il Sibiu Cycling Tour en la Rumenia ed il 4. plaz plaz al Tour da l'Ungaria.