Siglir tar il cuntegn

Header

cuntegn

Ciclissem TdS da dunnas festivescha sia premiera

La fin d’emna dals 5 e 6 da zercladur vegn lantschà a Frauenfeld en il chantun Turgovia l’emprim Tour de Suisse da dunnas. Quai capita gest quest onn da giubileum 50 onns dapi che las dunnas han il dretg da votar en Svizra.

Auter che tar ils umens cuzza quest Tour de Suisse per las dunnas sulettamain dus dis. Omaduas etappas han lieu en la regiun da Fauenfeld. Igl è ina giada in emprim ed impurtant pass per il svilup dal sport da velo da dunnas.

Quai è in mument istoric ch’avess dentant gì da capitar gia daditg.
Autur: Olivier Senn directur TdS
audio
TdS da dunnas festivescha sia premiera
ord Actualitad dals 05.06.2021.
laschar ir. Durada: 3 minutas 29 Secundas.

A questa premiera fan part 17 equipas, quatter equipas dal World Tour. Per il Swiss Cycling Team partan sis ciclistas ch’èn normalmain da chasa en il sport da mountainbiker, tranter auter er Jolanda Neff. La visiun dals organisaturs dal TdS è d’augmentar questa cursa sin tschintg etappas ils proxims onns. Quest emprim TdS a Frauenfeld custa radund 300’000 francs. Ils meds finanzials èn e vegnan er ad esser en l’avegnir la gronda sfida.

Actualitad 08:00

Artitgels legids il pli savens