Per Stan Wawrinka è il turnier d'ATP a Cincinnati gia a fin suenter l'emprima runda. Il numer 306 dal mund ha pers la partida encunter il brit – Andy Murray suenter prest trais urascun 6:7, 7:5 e 5:7. Dapi ses comeback na vegn il svizzer vinavant betg sin turas.
Teichmann perda malgrà balla da matsch
Er a fin è il turnier gia per Jil Teichmann. La Svizra ha pers l'emprima runda encunter la dubla victura da WImbledon – la tscheca – Petra Kvitova cun 7:6, 6:7 e 3:6.
Jil Teichmann – il numer 21 dal mund – avess gì schanzas da gudagnar la partida: En il segund set ha ella gì ina balla da matsch. Entras la victoria perda la svizra puncts e plazzas en la rangaziun mundiala.
Petra Kvitova pudess fruntar en la segunda runda sin Belinda Bencic. Lezza dat sia partida d'emprima runda cunter Sorana Cirstea da la Rumenia.
