Il Svedais Joakim Nordström cumplettescha il sextet da giugaders or da l'exteriur tar il Club da hockey da Tavau. L'attatgader svedais ha suttascrit in contract da dus onns tar il HCD. El mida dal victur da la KHL ZSKA Moskau en il Grischun.
L'atlet da 30 onns ha giugà 490 partidas en la NHL – il 2015 ha el gudagnà il Stanley Cup cun ils Chicago Blackhawks ed il 2017 è el daventà campiun mundial. Il mars ha el immediat bandunà Moscau suenter l'invasiun russa en l'Ucraina. Per la Svezia ha el prendì part quest onn als gieus olimpics a Peking sco er al campiunadi mundial en Finlanda.
