Claude Curdin Paschoud ha fatg ina bun'impressiun en las ultimas emnas tar il Club da hockey da Tavau. Ussa ha el survegnì in contract per tut la stagiun. Ils davos 4 onns n'aveva Paschoud mai pudì giugar l'entira stagiun perquai ch'in puck aveva tutgà il november 2018 ina da sias ureglias. Quai aveva chaschunà ina greva scurlattada dal tscharvè.
Las ultimas partidas da la Champions Hockey league saja el stat bun da giugar sin aut niveau senza problems, scriva il club dal Landwassertal sin sia pagina web.
