Dumengia suentermezdi (temp svizzer) ha la federaziun mundiala WCF declerà ch'il campiunadi mundial da curling possia cuntinuar cun in program fitg stretg.
Oz a las 19:00 sa mesira la Svizra en il quartfinal encunter ils Stadis Unids. Da mesanotg duain ils mezfinals avair lieu e las 05:00 glindesdi bun'ura ha lieu il final ed il gieu per plazza 3.
Tests avevan mussà plirs cas da corona
Ils tests regulars da corona als cumbats per il titel dals curlers avevan mussà plirs cas positivs. Sco Tom Seger, il CEO da Swiss Curling aveva confermà sonda ad SRF, na saja nagin dal team svizzer stà pertutgà.
Ils organsiaturs dal campiunadi mundial han sinaquai declerà che tut ils gieus vegnan spustads. A las 16:00 temp svizzer, èn tut ils giugaders svizzers vegnids testads.