Siglir tar il cuntegn

Header

video
Il crap svizzer per la medaglia
Or da Sport-Clip dals 12.04.2021.
laschar ir
cuntegn

CM Curling a Calgary Svizra gudogna bronze

L’equipa svizra enturn il skip Peter de Cruz ha gudagnà la medaglia da bronz al campiunadi mundial a Calgary. En il final pitschen han ils Svizzers gudagnà cunter ils Russ cun 6:5. Avant ha la Svizra pers cleramain il mezfinal cunter il defensur dal titel da la Svezia, numnadamain cun 3:11. Ils terzs dals gieus olimpics Valentin Tanner, Peter De Cruz, Sven Michael e Benoît Schwarz dal CC Genevra han manà suenter il quart end cun 3:2. Davent da lura han dentant sulet ils Svedais cun lur skip Niklas Edin fatg puncts. Ils pli blers suenter il tschintgavel end cun ina chasa da tschintg.

Per ils curlists da Genevra èsi gia la quarta medaglia da bronz a campiunadis mundials (2014, 2017, 2019 e 2021). Insumma ha Genevra ina constanza remartgabla. Dapi il 2014 ha l'equipa da Peter De Cruz fatg otg medaglias a concurrenzas grondas (CM, CE u gieus olimpics). Sulet al campiunadi europeic il november 2018 èn els turnads cun mauns vids.

Svezia è campiun

En il final ha l'equipa svedaisa lura gudagnà per la terza giada en seria il titel da campiun mundial. En ina partida da final egualisada fin il novavel end ha la Svezia gudagnà cunter la Scozia, il campiun d'Europa, cun 10:5. En il novavel end ha la Svezia realisà ina chasa da tschintg.




RTR novitads 08:00

Artitgels legids il pli savens

Scrollar a sanestra Scrollar a dretga