Siglir tar il cuntegn

Header

cuntegn

CM da curling Curlistas cumenzan cun victoria a Calgary

Las curlistas svizras enturn il skip Silvana Tirinzoni, han cumenzà il campiunadi mundial a Calgary cun ina ferma prestaziun. Ellas han battì las segundas dals gieus olimpics da la Corea dal Sid cun 10:2.

video
Schweizerinnen gelingt Auftakt in Curling-WM
Or da Sport-Clip dals 30.04.2021.
laschar ir

Las campiunessas mundialas Melanie Barbezat, Esther Neuenschwander, Silvana Tirinzoni ed Alina Pätz èn idas en avantatg suenter avair engulà ina chasa da 2 en il terz end. Suenter han ellas schlargià cuntinuadamain lur avantatg. Suenter nov ends han las Asiatas dà si.

Tuttas quatter Sidcoreanas han num cun schlattaina Kim, er la giugadra da reserva. Ellas n'èn dentant betg parentas ina cun l'autras. Als gieus olimpics 2018 en lur patria a Pyeongchang, èn ellas vegnidas enconuschentas sco ils «Garlic Girls». Ellas han cuntanschì là il final ed han fatg la finala argient. Las tschintg dunnas vegnan d'in lieu ch'è enconuschent per sia producziun dad agl.

SDA / Lea Livers

Artitgels legids il pli savens

Scrollar a sanestra Scrollar a dretga