Siglir tar il cuntegn

Header

video
La cursa da Balanche
Or da Sport-Clip dals 29.08.2021.
laschar ir. Durada: 2 minutas 35 Secundas.
cuntegn

CM MTB Val di Sole Bronz per Camille Balanche en il downhill

La Svizra Camille Balanche gudogna sia segunda medaglia a campiunadis mundials. SUenter la sensaziun l'onn passà, vegn la ciclista da 31 onns terza a Val di Sole.

Malgrà ch'ella è sa blessada curt avant la cursa vid il ventrigl dretg èn sulettamain las duas franzosas Myriam Nicole e Marine Cabirou stadas pli sveltas. Per Nicole, ch'era l'onn passada vegnida segunda suenter Balanche, èsi il segund titel suenter il 2019. Sin il cirquit da radund 4 minutas è Nicole radund 5 secundas pli svelta che Cabirou e 6 secundas pli svelta che Balanche. La Svizra è cunzunt en l'ultima part da la cursa stada fitg svelta. Suenter l'emprim temp intermediar era Balanche mo sin plazza 8 – tar l'ultim temp intermediar sin plazza 4.

Balanche – il multitalent

La segunda medaglia a campiunadis mundials mussa che Balanche è definitiv arrivada en l'elita mundiala. Sco juniora è Balanche anc stada campiunessa svizra en dar spada, silsuenter ha ella fatg il pass tar il sigl cun skis e lu tar il hockey, nua ch'ella ha prendì part il 2008 al campiunadi mundial a China ed il 2010 als gieus olimpics a Vancouver. Pir cun 27 onns ha ella fatg la midada sin il mountainbike.

Là n'ha ella betg duvrà ditg fin l'emprim success: il 2018 ha ella guadgnà bronza al campiunadi europeic, in onn pli tard aur. Il 2020 alura aur al campiunadi mundial ed ussa bronza.

RTR novitads 15:00

Artitgels legids il pli savens