Siglir tar il cuntegn

Header

Legenda: Suenter il campiunadi mundial a Val di Sole è il focus sin las cursas da la cuppa mundiala a Lai. Keystone
cuntegn

CM MTB Val di Sole La Svizra turna a chasa cun 8 medaglias

Per ils mountainbikers svizzers èn ils campiunadis mundials da mountainbike 2021 a Val di Sole danovamain stads in success. La delegaziun svizra ha gudagnà en il Trentino 8 medaglias, 3 dad aur.

La naziun cun il pli grond success è stada sco avant in onn a Leogang, la Frantscha cun 14 medaglias, da quai 5 en aur.

audio
Andreas Wieland tira ina bilantscha positiva
08:50 min, Sport ed actualitad dals 29.08.2021.
laschar ir. Durada: 08:50 minutas.

Per il punct culminant ord vista svizra ha procurà Nino Schurter cun daventar per la 9avla giada campiun mundial en la cursa d’elita da cross country. Campiunessas mundialas dastgan da nov er sa numnar Sina Frei en il short track e Nicole Göldi ch’ha triumfà en la cursa dad e-mountainbike.

Uss spetga Lai

Gia en in’emna spetga sin ils Svizzers il proxim punct culminant. Sin il program stattan las cursas da la cuppa mundiala a Lai. Il venderdi èn las cursas da short track , la sonda las cursas da downhill e la dumengia las cursas da cross country.

audio
Reacziuns dals quatter grischuns a Val di Sole
04:57 min, Sport ed actualitad dals 29.08.2021.
laschar ir. Durada: 04:57 minutas.

Ils proxims campiunadis mundials han lieu la fin avust 2022 a Les Gets en Frantscha.

Actualitad 17:00

Artitgels legids il pli savens

Scrollar a sanestra Scrollar a dretga