Siglir tar il cuntegn

Header

Legenda: Lorena Cadalbert (16 onns) da Cuira. mad
cuntegn

CM MTB Val di Sole Lorena Cadalbert avant sia premiera

Per Lorena Cadalbert va in siemi en vigur. La giuvna da 16 onns da Cuira astga parter per l’emprima giada ad ina cursa d'in campiunadi mundial, quai en la categoria da las junioras.

audio
Lorena Cadalbert avant sia emprima cursa da campiunadi mundial (U19)
02:25 min, Actualitad dals 26.08.2021.
laschar ir. Durada: 02:25 minutas.

Lorena Cadalbert ha ragischs sursilvanas. Il bab è oriund da Sevgein. Plinavant è la giuvna sportista er commembra dal Club da velo Surselva. Cun il sport da mountainbike ha ella cumenzà gia sco mattatscha, er grazia als geniturs. Uss cun 16 onns po Lorena Cadalbert concurrenzar per l’emprima giada cun las meglras dal mund ad in campiunadi mundial.

Mia gronda finamira è d’astgar sa participar in di a gieus olimpics.
Autur: Lorena Cadalbert mountainbikera

La finamira saja da dar il meglier pussibel en questa cursa da cross country. In resultat concret n’ha la giuvna grischuna betg pudì numnar, er perquai ch’ella n’ha sco ina da las pli giuvnas betg la meglra posiziun da partenza. Perencunter sa sentia el bain sin quest percurs fitg tecnic, insatge che vegnia encunter ad ella sco er a tut ils Svizzers, manegia Cadalbert.

Actualitad 08:00 uras

Artitgels legids il pli savens

Scrollar a sanestra Scrollar a dretga