Resultats
- Frantscha 1:25:51
- Stadis Unids +0:48 sec.
- Germania +0:49 sec.
- Italia +1:39 min.
- Svizra +2:04 min.
Ils Svizzers cun Reto Indergandz, Finn Treudler, Nicole Koller, Jacqueline Schneebeli, Noëlle Rüetschi, ed Alexandre Balmer han pers passa duas minutas sin ils Franzos cun Mathis Azzaro, Adrien Boichis, Lena Gerault, Tatiana Tournut, Line Burquier e Jordan Sarrou. Igl è uschia l’emprima giada dapi il 2015 a Vallnord en il stadi d’Andorra che la Svizra na gudogna nagina medaglia en la cursa da staffetta che vegn manada atras a campiunadis mundials dapi il 1999. Tranter il 2017 ed il 2019 avevan ils Svizzers, mintgamai er cun Nino Schurter, gudagnà trais giadas en seria la medaglia dad aur.
A Val di Sole han ils Franzos sco favurits triumfà cun in avantatg da bunamain ina minuta sin ils Americans cun tranter auter Kate Courtney. Ils Americans han battì ils Tudestgs piz a cup en in sprint final per argient e bronz. Sin il quart plaz, ed uschia classà avant ils Svizzers, èn ils Talians.