Siglir tar il cuntegn

Header

Legenda: Vital Albin parta per ina giada cun in velo a motor al campiunadi mundial a Val di Sole. mad
cuntegn

CM MTB Val di Sole Vital Albin: «Pli gugent ina cursa dad e-mtb che nagina cursa»

La finamira da Vital Albin era clera per quella stagiun 2021, numnadamain sa qualifitgar per il campiunadi mundial da mountainbike e parter a Val di Sole a la cursa da cross country cun ils atlets d’elita. I n’ha dentant betg tanschì dal tut.

audio
CM MTB Val di Sole: Vital Albin parta a la cursa dad e-mtb
03:10 min, Actualitad dals 27.08.2021.
laschar ir. Durada: 03:10 minutas.

Il mountainbiker oriund da Tersnaus è vegnì selecziunà sulet sco um da reserva. El astga pia parter a la cursa da cross country be sch’in dals Svizzers croda ora. Per betg stuair persequitar l’entir campiunadi mundial a l’ur è Vital Albin sa decidì da sa participar a la cursa dad e-mountainbike, pia a la cursa da cross country cun velos a motor.

Jau ma legrel sin la cursa dad e-mtb, ma i n’è betg da temair ch’jau mid disciplina en in futur.
Autur: Vital Albin mountainbiker

A questa cursa partan 40 atlets. La finamira da Vital Albin è da cuntanscher in plaz sut ils top 10. La prioritad saja dentant da rimnar experientschas en questa disciplina ch’è per el ina premiera. La cursa saja fitg pretensiusa ed i saja er da dar tut cun in velo a motor, ha Vital Albin manegià il di avant la cursa.

La cursa dad e-mtb dals umens cumenza il venderdi, ils 27 d'avust, a las 16:45 uras.

Actualitad 07:00 uras

Artitgels legids il pli savens

Scrollar a sanestra Scrollar a dretga