Cla-Ursin Nufer è stà durant l’entira cursa en la gruppa da testa ed ha la finala cuntanschì l’arrivada sco 10avel gist davos ses cumpatriot Nicola Wigger ch’è uschia stà sco 9avel il meglier svizzer. Il duo Wigger e Nufer ha pers gnanc 10 secundas sin il campiun mundial Jonas Vika. Il Norvegiais ha triumfà avant ses cumpatriot Edvard Sandvik. Cumplettà il podest sco terz ha il Franzos Julien Arnaud.
Nadja Kälin vegn 5avla
Er en la cursa da las dunnas U23 han las Svizras persvadì e manchentà be per pauc ina medaglia. Nadja Kälin da San Murezzan ch'aveva gudagnà l’onn passà il maraton da l’Engiadina ha terminà la cursa da 20 kilometers classic sco 5avla, gist davos sia cumpatriota Anja Weber. Las duas passlunghistas da 21 onns han pers bun 20 secundas sin Kristin Austgulen Fosnaes. La Norvegiaisa ha gudagnà aur avant la Tudestga Lisa Lohmann e la Norvegiaisa Margrethe Bergane.