Siglir tar il cuntegn

Header

Legenda: Hans Christer Holund, Simen Hegstad Krüger, Jens Burman. RTR, Georg Luzzi
cuntegn

CM umens dumengia Victoria dubla norvegiaisa tar il 50er en Engiadina

Simen Hegstad Krüger è il victur da la davosa cursa da la stagiun. Krüger gudogna en Engiadina avant Hans Christer Holund e Jens Burman da la Svezia. Meglier svizzer è Dario Cologna sco novavel.

Pervia da la naiv nova e dal cuntravent era la davosa cursa da la stagiun plauna. Fin en la mesadad era ina gronda gruppa da var 50 passlunghists tut ensemen. Lura dentant ha il Russ Yvan Yakimushkin cumenzà da far tempo. Per part era el cun varga ina mesa minuta avantatg a la testa da la cursa. Ils norvegiais han uschia stuì reagir, per betg laschar ir a Yakimushkin cun la plima.

video
Simen Hegstad gudogna la cursa
Or da Sport-Clip dals 14.03.2021.
laschar ir

Tren norvegiais fa la cursa, Cologna dentant era ferm

Ils norvegiais s'han mess ensemen per ir a la chatscha da Yakimushkin ed 8 kilometers avant la fin era il passlunghist Russ puspè prendì en. Sin ils ultims kilometers han ils norvegiais cuntinuà da lavurar ensemen. La fin finala ha Simen Hegstad Krüger purtà a chasa la victoria avant ses collega da squadra Hans Christer Holund.

Per ils curridurs da la Russia n'è la tactica betg ida si. Il meglier è stà il dominatur da l’entira stagiun Alexander Bolshunov.

audio
Victoria dubla norvegiaisa tar il 50er en Engiadin
02:33 min, Actualitad dals 14.03.2021.
laschar ir. Durada: 02:33 minutas.

Ina fitg buna cursa ha dentant era mussà il Jauer Dario Cologna. Davent da l’entschatta era el davantvart da la partida. La fin finala haja tasnchì per la 9avla plazza.

audio
Intervista cun Dario Cologna suenter ses 9avel plaz
04:11 min, Actualitad dals 14.03.2021.
laschar ir. Durada: 04:11 minutas.

Cumià degn da Livio Bieler

Savend che la cursa en Engiadin'Ota è la davosa en la carriera da Livio Bieler da Panaduz ha quel prendì il cor enta maun ed è magari ditg stà a la testa da la cursa. Bieler ha pudì far tempo e ha giudì da pudair manar avant tut ils gronds nums da la scena sco Bolshunov, ni Kläbo, ni Holund, ni Cologna. Uschia è el stà ina davosa giada en la fanestra da la cuppa mundiala avant che sia carriera è ida a fin.

RTR actualitad 13:00

Artitgels legids il pli savens

Scrollar a sanestra Scrollar a dretga