Siglir tar il cuntegn

Header

Legenda: Arthur Cabral da Basilea sa legra da ses gol marcà cunter Tirana. Keystone
cuntegn

Conference League Basilea vinavant – Servette croda ora

Senza problems fa il FC Basilea il pass en la proxima, la penultima runda da qualificaziun per la Conference League. En il gieu da return da gievgia saira batta Basilea ordaifer Partizani Tirana cun 2:0 Gia en l'emprim gieu aveva il FCB persvadì – e gudagnà cun 3:0.

video
Basilea gudogna era il gieu da return cunter Partizani Tirana
Or da Sport-Clip dals 29.07.2021.
laschar ir

Il proxim adversari da Basilea è l'equipa ungaraisa Ujpest, ord la chapitala Budapest. Quella ha bittà il FC Vaduz cun il resultat total da 5:2, or da la qualificaziun per la Conference League.

Servette è stà datiers

Per il club genevrin è l’aventura europeica a fin suenter la segunda runda da qualificaziun da la Conference League. Bain ha Servette gudagnà il gieu da return a chasa cunter il club norvegiais Molde cun 2:0, il dischavantatg dal 0:3 or da l’emprim gieu è dentant stà memia grond.

Suenter che duas terzas dal gieu eran passadas, manava Servette cun 2:0. Curt avant la pausa avevan els dentant pers il giugader Miroslav Stevanovic, pervi d’in foul ha quel survegnì directamain la carta cotschna. La finala n’hai betg tanschì a Servette da volver il gieu, e d’almain cuntanscher ina prolungaziun.

video
Betg bler ha mancà che Servette avess bittà ora Molde
Or da Sport-Clip dals 29.07.2021.
laschar ir

RTR novitads 22:00

Artitgels legids il pli savens

Scrollar a sanestra Scrollar a dretga