La sort è tratga: L'equipa da Basilea gioga en il 1/16-final da la Conference league cunter il campiun tirc Trabzonspor. Quel n'è betg nunenconuschent per il club da ballape da Basilea: L'onn 2019 aveva las dus squadras gia giogà ina encunter l'autra en la Europa League. Suenter in 2:2 en Tirchia aveva Basilea gudagnà a chasa cun 2:0.
L'emprima partida ha lieu ils 16 da favrer 2023. La segunda partida a Basilea alura in'emna pli tard.
Las ulteriuras partidas dal 1/16-final:
- Trabzonspor – Basilea
- Karabach – Gent
- Lazio Roma – Cluj
- Braga – Fiorentina
- Bodö/Glimt – Lech Poznan
- Sheriff Tiraspol – Partizan Belgrad
- Ludogorets – Anderlecht
- Larnaca – Dnipro
Segunds da la gruppa suenter in victoria cunter Pjunik Jerewan
Cun in um pli pauc sin il plaz a partir da la 53avla minuta ha il FC Basilea cuntanschì ils sedeschavelfinals en la Conference League, sco segund da la gruppa. Il adversari Pjunik Jerewan n'ha betg pli pudì volver il gieu, ch'è ì a fin cun 2:1 per il club svizzer.
L'emprim plaz en la gruppa ha l'equipa slovaca Slovan Bratislava fatg. Els han gudagnà cunter Zalgiris Vilnius cun 2:1. Uschia èn els qualifitgads directamain per ils otgavelfinals. En la runda dals megliers 32, il favrer, frunta Basilea sin in dals clubs ch’èn sin plaz trais en ina da las gruppas da l'Europa League. Il glindesdi vegn tratg la sort.
Basilea frunta segir betg sin il FCZ. Quel ha pers ses gieu cunter il club englais Arsenal en l'Europa League, 0:1 – e n'è cunquai betg qualifitgà per ils finals.
