Gist cun 3:0 trametta il FCB l'adversari da l'Albania giu dal plaz. Quai grazia ad ina dubletta da Valentin Stocker ed in gol dad Arthur Cabral. Igl è stà ina clera chaussa. Il FCB è davenda l'entschatta stada la pli ferma equipa. Gist durant las emprimas 20 minutas ha Basilea giu pliras bunas schanzas per sajettar il 1:0 – l'emprim gol da la partida è dentant vegnì sajettà pir curt avant pausa entras Valentin Stocker.
En la 53avla minuta ha il FCB procurà per il punct culminant da la partida – quai entras ina bicicletta dal attatgader brasilian Arthur Cabral.
Servette sto magunar ina schleppa
Ils Genevrins fan atgnamain ina buna partida e ston a la fin tuttina ir cun 0:3 giu dal plaz. Il resultat na reflectescha dentant betg la partida cunter Molde. La squadra da Servette ha ditg fatg ina buna parita. Durant pliras fasas avessan ils Svizzers almain stuì sajettar in gol, quai n'è dentant betg reussì. Ils Norvegiais percunter han mussà sang fraid – entras dus gols suenter corners è Molde gia ì avant pausa cun 2:0 en avantatg. Curt suenter il 0:2, ed anc avant la pausa, ha Grejohn Kyei tutgà l'aluminium per Servette.
Ils gieus da return han lieu gievgia proxima