En ina cursa fitg stretga ha l'Americana Mikaela Shiffrin gudagnà avant il duo Joana Hählen e Christine Scheyer, ch'èn vegnidas cun il medem temp segundas. Uschia manchenta Hählen per 10 tschientavels sia emprima victoria en la cuppa mundiala.
- 4. Michelle Gisin +0,14 secundas
- 5. Lara Gut-Behrami +0,16
- 9. Priska Nufer +0,43
- 19. Corinne Suter +0,98
- 23. Jasmine Flury +1,87
Culla da cristal per Sofia Goggia
Al final da la cuppa mundiala a Courchevel/Méribel è crudada la decisiun per la culla da cristal en la disciplina da cursa rapida. Quella va a la Taliana Sofia Goggia, ch'è vegnida 12avla en la cursa da quest di. Sia pli gronda concurrenta, Corinne Suter, n'ha betg persvadì e po uschia betg stuschar Goggia da plaz in.