Tschajera en la regiun da l'arrivada ha l'emprim procurà, che la schuria ha spustà pliras giadas la partenza a la cursa rapida a Crans-Montana. Atgnamain era la partenza previda per las 11:00, il davos termin è lura stà las 13:00.
La finala è la tschajera stada davent, tuttina ha la schuria decidì d'annullar la cursa rapida. Il ristg saja memia grond pervi da las cundiziuns sin pista. Cunzunt dasper la lingia ideala era la pista vegnida memia loma.
Uss ha la Federaziun internaziunala da skis adattà il program a Crans-Montana. La cursa rapida duai avair lieu damaun dumengia, enstagl dal super-G planisà.