Siglir tar il cuntegn

Header

cuntegn

Cross Country a Canada Jolanda Neff ha gudagnà a Mont-Sainte Anne

La campiunessa olimpica Jolanda Neff ha gudagnà sia emprima cursa da la stagiun en la cuppa mundiala da Cross Country. A Mont-Sainte Anne en il Canada ha la Svizra gudagnà cleramain avant l’Austriaca Mona Mitterwallner. Per Neff è uschia ida a fin ina lunga seria senza victoria. L’ultima giada ha ella triumfà l’atun 2018 en ina cursa da la cuppa mundiala da Cross Country. Er persvas ha Alessandra Keller. Ella ha terminà la cursa sin il tschintgavel plaz.

video
Neff gudogna a Canada
Or da Sport-Clip dals 07.08.2022.
laschar ir. Durada: 2 minutas 50 Secundas.

Umens

Er per ils mountainbikers svizzers hai dà in podest en la provinza da Quebec. Filippo Colombo è vegnì segund. Per il Tessinais èsi l’emprim podest insumma en la cuppa mundiala dal Cross Country. Er Nino Schurter ha mussà ina ferma prestaziun ed è vegnì sisavel. Quai be in’emna suenter sia greva cupitgada. El ha uschia engrondì ses avantatg en il classament general. Gudagnà la cursa ha il Franzos Titouan Carod.

video
Colombo vegn segund
Or da Sport-Clip dals 07.08.2022.
laschar ir. Durada: 1 minuta 2 Secundas.

RTR novitads 06:00

Artitgels legids il pli savens