Siglir tar il cuntegn

Header

video
Medaglias per Forster e Colombo
Or da Sport-Clip dals 15.08.2021.
laschar ir
cuntegn

Cross-Country Aur e bronz per mountainbikers svizzers

Al campiunadi europeic da mountainbike a Novi Sad han ils umens svizzers briglià. Per la segunda giada suenter il 2018 ha Lars Forster gudagnà la medaglia d'aur tar il Cross-Country. Segund è il Danais Sebastian Fini Carstensen e bronz ha gudagnà in ulteriur svizzer, il Tessinais Filippo Colombo.

Il defensur dal titel Nino Schurter ed il segund dad olimpia Mathias Flückiger n'èn betg stads da la partida.

Meglra Svizra è stada Linda Indergand sco 5avla

Las mountainbikeras svizras han manchentà il podest en il campiunadi europeic a Novi Sad en Serbia. Meglra Svizra è stada Linda Indergand sco 5avla. Ella ha pers 2:12 minutas sin la victura. Jolanda Nef e Sina Frei n’èn betg idas al start.

La victoria è ida a la Franzosa Pauline Ferrand-Prévot. Segunda e terza èn vegnidas las Ollandaisas Anne Terpstra ed Anne Tauber.

RTR novitads 16:00;

Artitgels legids il pli savens

Scrollar a sanestra Scrollar a dretga