Als campiunadis europeics a Minca n'hai betg dà ina medaglia per las dunnas svizras da mountainbike en la cursa da Cross Country. Megliera svizra è Jolanda Neff ch'è vegnida quarta, cun in retard da 25 secundas sin la terz-plazzada.
Duas medaglias per la Frantscha
Gudagnà la cursa da Cross Country è cunquai campiunessa europeica è la Franzosa Leona Lecomte. Argient ha gudagnà sia cumpatriota Pauline Ferrand-Prévot e bronz va a la Neerlandaisa Anne Terpstra.
Las ulteriuras Svizras
Sper Jolanda Neff han trais ulteriuras svizras dumagnà il pass tranter las top 10: Alessandra Keller è vegnida 5avla, Sina Frei 7avla e Linda Indergand 9avla.