Siglir tar il cuntegn

Header

Legenda: Il CB Trun/Rabius ha motiv da far festa suenter il davos gieu da chasa en questa stagiun. Andreas Wieland
cuntegn

Cumbat da relegaziun 3. liga Festival da gols a Trun/Rabius

Il CB Trun/Rabius ha fatg in emprim pass per restar en la terza liga. Ils Sursilvans han gudagnà il segund davos gieu da la stagiun a chasa encunter Sargans cun 6:3, ed uschia fatg il pass sur il stritg da la tabella.

En ils emprims nov gieus da campiunadi aveva Trun/Rabius sajettà be set gols. Encunter Sargans èsi reussì da sajettar sis gols entaifer be 90 minutas. Cumenzà ha il gieu dentant mal per Trun/Rabius. Mo suenter il 0:1 da Sargans è l’equipa da chasa sa dasdada, e fin la pausa ha ella vulvì il resultat al 3:1.

audio
Discurs cun Donat Albin, trenader CB Trun/Rabius
02:31 min, Actualitad dals 28.06.2021.
laschar ir. Durada: 02:31 minutas.

Avant il davos gieu da campiunadi è il CB Trun/Rabius da nov sin il 10avel plaz da la tabella – cun ina reserva da dus puncts sin Gams, ch’è da nov sin ina plazza da relegaziun. Gams ha pers la sonda ordaifer encunter Triesenberg cun 2:4.

I spetga ina finalissima

En la davosa runda da campiunadi frunta il CB Trun/Rabius ordaifer sin Gams. Per omaduas equipas vai per restar en la terza liga – igl è ina uschenumnada finalissima. Als Sursilvans tanscha in pari per restar en la terza liga. Cun la victoria da gala encunter Sargans han ils da Trun/Rabius en mintga cas tancà morala e motivaziun per quest gieu chapital.

Domat na dat betg si la speranza

Anc siemiar da far il pass en la 2. liga regiunala astga il Club da ballape da Domat. Suenter la victoria da 2:1 encunter Buchs han ils da Domat vinavant be in punct pli pauc ch'il leader, il Club da ballape da Bogn Ragaz. Gudogna Domat il davos gieu da campiunadi, il derbi ordaifer encunter Cuira e na vegn Bogn Ragaz betg da gudagnar a Buchs sonda proxima, ils 3 da fanadur, lura tanschessi a Domat da far il pass a la testa da la tabella e per la promoziun en 2. liga.

RTR novitads 18:00

Artitgels legids il pli savens

Scrollar a sanestra Scrollar a dretga