Siglir tar il cuntegn

Header

audio
Intervista cun Nevin Galmarini che terminescha sia carriera
Or da Actualitad dals 09.03.2022.
abspielen. Laufzeit 4 minutas 5 Sekunden.
cuntegn

Cun 35 onns Nevin Galmarini sa retira

Ses pli grond success ha Nevin Galmarini festivà il 2018 als gieus olimpics a Pyeongchang, nua chel ha fatg la medaglia d'aur. Il Grischun ha total gudagnà trais cursas a la cuppa mundiala, en la stagiun 2017/18 ha el gudagnà il classament general da la cuppa mundiala.

Galmarini ha debutà il 2006 en la cuppa mundiala, curt suenter ses 20avel natalizi. Sia emprima plazza da podest da total 12, ha el festivà tar la cursa da chasa, cura ch'el è ì il 2011 ad Arosa sin plazza 3 tar il slalom parallel.

Als gieus olimpics a Sotschi, il 2014 ha el gudagnà sia emprima medaglia ad in'occurrenza gronda. En il slalom parallel è el vegnì battì dal Russ Vic Wild.

Aur en Corea dal Sid

2017 ha Galmarini lura gist mussà ina buna prestaziun er tar il campiunadi mundial en la Sierra Nevada, nua ch'el è ì per bronz. L'onn suenter è lura suandà ses pli grond success. Als gieus olimpics a Pyeongchang ha el daventà victur olimpic, ed ha battì en il final il matadur local, Sangho Lee.

video
Nevin Galmarini gudogna aur
Or da Actualitad video dals 24.02.2018.
abspielen. Laufzeit 2 minutas 14 Sekunden.

Ils ultims onns ha Galmarini lura adina puspè gì da sbatter cun problems cun ses dies. Tar ses 5avels gieus olimpics avant in mais a Peking, è el crudà or gia en la qualificaziun.

RTR novitads 10:00

Artitgels legids il pli savens

Scrollar a sanestra Scrollar a dretga