L'anteriur giugader da beachvolleyball, Martin Laciga, è mort. Quai ha Swiss Volley communitgà. Martin Laciga valeva sco piunier dal beachvolley en Svizra ed è stà in dals giugaders svizzers cun il pli grond success insumma. Tranter auter è el stà il nr. 1 dal mund, campiun europeic e vice-campiun mundial. Martin Laciga ha influenzà quest sport, era ensemen cun ses frar Paul. El è mort en la vegliadetgna da 48 onns. El pateva da depressiuns.
-
Bild 1 von 1. Bildquelle: Keystone.
Sia glista da success è lunga: il numer 1 dal mund ed il vicecampiun mundial da l'onn 1999, traidubel campiun d'Europa e trais plazzaments da top ten a gieus olimpics. Ensemen cun ses frar Paul ha el marcà dal 1995 fin il 2004 la scena. Era cun ses partenaris da pli tard, Markus Egger, Jan Schneider e Jefferson Bellaguarda ha Martin Laciga gì success.
Avant 10 onns ha Laciga terminà sia carriera. Al sport è el dentant restà fidaivel. Sco expert da SRF ha el accumpagnà vinavant il beachvolleyball ed en quella rolla è el era viagià als gieus olimpics dal 2016 e 2021.