Il SC Berna è per l'emprima giada victur da la cuppa da hockey sin glatsch tar las dunnas. Il leader da la Women's League ha battì en il final a Lucerna il EV Zug, che dominescha cleramain en la segund auta liga cun 2:1, suenter sajettar penaltis.
Las Bernaisas èn idas en avanzament suenter set minutas enfin curt avant la fin dal temp regular. Suenter l'egualisaziun n'han las Bernaisas betg pli tutgà, er la prolungaziun da tschintg minutas n'ha betg purtà ina decisiun. En il tir da penaltis ha l'SC Berna tegnì il suramaun cun 2:1.