Tar il sprint a Lahti en la Finlanda è la passlunghista svizra Nadine Fähndrich crudada or en ils mezfinals. E damai che sia concurrenta la Svedaisa Maja Dahlqvist è daventada quarta en il final – ha quella set puncts dapli e va cun la culla pitschna da la disciplina da sprint.
La Svizra Anja Weber è bain vegnida tras la qualificaziun, en ils quartfinals n’ha ella dentant gì nagina schanza ed è daventada davosa. Il sprint da Lahti ha la finala gudagnà Kristine Skistad da la Norvegia.
Valerio Grond vegn fin ils mezfinals
Tar ils umens ha sulet il Grischun Valerio Grond pudì tranter ils megliers 30 da la qualificaziun. Grond è la finala crudà ora en ils mezfinals. Insumma betg sa qualifitgads eran Janik Riebli (31.) ed Erwan Käser (57.). Victur daventa il dominatur da la stagiun, Johannes Kläbo da la Norvegia.
