Previsa era la partenza dad in trio grischun. Dasper las duas soras Elisa ed Aita Gasparin è quai er Lea Meier dal Partenz. E la giuvna da 22 onns ha bunas regurdientschas da Lai. Il 2020 ha ella gudagnà en l’Arena da biatlon a Lai sensaziunalmain aur als campiunadis mundials da las junioras sut 19 onns.
Pli probabel sutterrà il siemi d’astgar parter avant ils fans da chasa sto il pli davos mument però Elisa Gasparin. In di avant l’emprima cursa, il sprint, è la biatleta da 32 onns vegnida testada positiv sin corona.
Lena Häcki-Gross e Sebastian Stalder en il focus
Il grond trumf svizzer tar las dunnas è Lena Häcki-Gross dad Engelberg ch’è vegnida avant paucs dis a Hochfilzen en l’Austria segunda en la cursa da persecuziun. Fin oz il pli grond success da sia carriera. Cun grondas ambiziuns va er Amy Baserga da Nossadunnaun a la partenza, la nova staila dal biatlon en Svizra.
Tar ils umens svizzers è il focus principalmain sin Sebastian Stalder e Niklas Hartweg. Plinavant partan anc Joscha Burkhalter, Jeremy Finello, Dajan Danuser e Gion Stalder, il frar da Sebastian Stalder ch’ha persvadì en questa stagiun cun divers plazs sut ils tops 10 en la cuppa mundiala.