Melanie Hasler e Mara Morell èn vegnidas terzas en il bob da dus a San Murezzan. Per Hasler èsi il tschintgavel plaz da podest en il bob a dus. Per la Grischuna Morell èsi ina premiera sin in podest en la cuppa mundiala.
Gudagnà la cursa han ils dus bobs da la Germania. Laura Nolte e Neele Schuten è stadas las pli sveltas, Lisa Buckwitz e Lauryn Siebert èn vegnidas sin il segund plaz cun 0.08 secundas retard. Hasler e Morell han gì 0.38 secundas retard sin il emprim plaz.
Cunzunt en il segund percurs han Melanie Hasler e Mara Morell mussà ina buna prestaziun. Er tar la partenza han las Svizras tegnì cun bain.
Tar ils umens han Michael Vogt, Andrea Orsinger, Sandro Michel ed Alain Knuser cuntanschì il quart plaz. Er sin il tschintgavel è in bob svizzer, manà da Simon Friedli. Cédric Follador è vegnì settavel en ses bob cun 1.41 minutas retard.
Gudagnà avevan Johannes Lochner da la Germania cun ses team.
