Siglir tar il cuntegn

Header

Stephanie Jenal
Legenda: Stephanie Jenal da Samignun vul fitgar pe en la cuppa mundiala. Keystone
cuntegn

Cuppa mundiala ski alpin Stephanie Jenal vul ils emprims puncts

La fin d’emna spetgan a Lake Louise en il Canada las emprimas cursas da «speed» sin las skiunzas da la cuppa mundiala. Per las duas cursas rapidas ed il super-g ha Swiss Ski nominà set skiunzas, duas Grischunas.

Sper Jasmine Flury da Tavau ha er Stephanie Jenal da Samignun dastgà far per l’emprima giada il viadi en l’America dal Nord.

Stephanie Jenal ha dà ses debüt en la cuppa mundiala il december 2019 a las cursas da chasa a San Murezzan. Dapi lura ha la skiunza da 23 onns dastgà sa mesirar sis giadas cun las meglras skiunzas dal mund. Puncts n’hai dentant anc dà nagins. Il meglier resultat en la cuppa mundiala fin oz è il 33avel plaz en il super-g da St. Anton il schaner 2021.

audio
Stephanie Jenal per l'emprima giada a Lake Louise
ord Actualitad dals 03.12.2021.
laschar ir. Durada: 2 minutas 40 Secundas.

A Lake Louise vul Stephanie Jenal uschia gudagnar ses emprims puncts da la cuppa mundiala. En emprima lingia giaja dentant er per rimnar experientscha, quai di er Beat Tschuor, il trenader da las skiunzas svizras. Dasper Jenal parta er Noemie Kolly per l’emprima giada a cursas da la cuppa mundiala en l’America dal Nord.

Actualitad

Artitgels legids il pli savens

Scrollar a sanestra Scrollar a dretga