Aur per ils umens
Per la Svizra ha il final da la cuppa mundiala da cursas d'orientaziuns a Tavau cumenzà optimal. La staffetta dals umens cun Daniel Hubmann, Florian Howald e Joey Hadorn han gudagnà lur cursa 32 secundas avant la Norvegia e 52 secundas avant la Svezia.
Hadorn, ch'è currì sco davos ed ha cumenzà la cursa sin plazza 6, ha pudì cumpensar ina minuta e mesa retard. Il team Svizra 3 ha manchentà il podest – ils atlets han finì la cursa sin la quarta plazza.
Daniel Hubmann ha la dumengia pudì confermar sia buna furma suenter la victoria cun la staffetta il di avant. En la cursa a distanza mesauna ha el cuntanschì il terz plaz davos il Norvegiais Kasper Fosser e mo ina secunda davos il Svedais Albin Ridefelt.
Las dunnas han era gudagnà
Era las dunnas cun Roos, Hauswirth ed Aebersold han il suentermezdi fatg il medem e gudagnà lur cursa avant la Svezia e la Norvegia. Ellas han gudagna lur cursa 1 minuta avant la Svezia e 3 minutas avant la Norvegia.