Gia il non, Talin Riatsch dad Ardez, era fascinà e giugava hockey. El ha surdà il virus per quest sport al figl Cla, e quel ha dà enavant la passiun als figls Andri e Corsin Riatsch. Gia dapi onns van els ensemen a guardar partidas da la Cuppa Spengler e quai e restà uschia fin al di dad oz.
Sur il Flüela per ir a guardar gieus da la Cappa Spengler
Cla Riatsch sa regorda anc bain vi da ses emprims viadis sur il pass dal Flüela da l’Engiadina Bassa a Tavau per ir a guardar partidas da la Cuppa Spengler. El aveva fatg quai anc avant che la halla da glatsch a Tavau era fabritgada. Surtut era el fascinà dal gieu da las equipas Tschecas sco Dukla Jihlava che vegnivan ils onns 70 a la Cuppa Spengler.
Il bab ha surdà il virus da hockey als figls
Bainprest prendeva il bab alura er ils figls Andri e Corsin Riatsch a las partidas da la Cuppa Spengler. L’emprim, cura ch'ils figls eran anc pitschens, dentant pli pervia da l’aventura da far quest viadi. Pir pli tard han els alura era sviluppà la passiun per quest sport. Omadus figls han dà blers onns sez hockey tar il CDH Engiadina.