La Cuppa Spengler è il pli vegl turnier d’equipas dal mund. En sia lunga istorgia da circa 100 onns ha quai dà fin tar las desditgas durant ils onns da pandemia mo quatter annullaziuns. Uss suenter dus onns pausa duai quai puspè dar hockey dad auta qualitad la davosa emna da l’onn a Tavau. Per il club da hockey da Tavau e per ils organisaturs da la Cuppa Spengler in grond levgiament. La Cuppa Spengler è or da vista finanziala essenziala per il HCD.
Las squadras da la Cuppa Spengler 2022
-
Bild 1 von 6. HC Tavau. Ils patruns-chasa vulan far bun la prestaziun dischillusiunanta dal 2019 cura che Tavau ha pers tut ils gieus. Gia 15 giadas ha la squadra da la Val da la Landwasser gudagnà il turnier a chasa, l'ultima giada da 2011. Bildquelle: Keystone.
-
Bild 2 von 6. Ambri Piotta. Suenter il 2019 è la squadra da la Leventina puspè da la partida. La han ils fans paschiunadas dad Ambri intgantà a tuts cun lura chanzun tradiziunala «La Montanara». Bildquelle: Keystone.
-
Bild 3 von 6. Team Canada. Sco adina èn er ils Canadais da la partida. Cun lur 16avla victoria tar la Cuppa Spengler 2019 èn els ils victurs da record. Bildquelle: Keystone.
-
Bild 4 von 6. IFK Helsiniki (Finlanda). Il club finlandais gioga per la quarta giada a la Cuppa Spengler Trenader è l'anteriur giugader da Lugano Ville Peltonen. Bildquelle: Reuters.
-
Bild 5 von 6. Örebro HK (Svezia). Per l'emprima giada suenter 16 onns è puspè da la partida ina squadra svedaisa. Part da la squadra è er in enconuschent da Tavau: Matthias Bromé. El ha giugà l'onn passà per il HCD. Bildquelle: Keystone.
-
Bild 6 von 6. HC Sparta Prag (Tschechia). Suenter ina pausa dad 11 onns è la squadra da la chapitala da la Tschechia puspè da la partida a la Cuppa Spengler. Gia dus giadas (1962 e 1963) ha ella gudagnà il turnier,. Bildquelle: Keystone.
Ambri Piotta è puspè da la partida
Las equipa da la Cuppa Spengler 2022 èn fermas. Perquai ch'i n'è betg lubi a las squadras da la Kontinental Hockey League Russa da participar al turnier da renum han ils organisaturs da la Cuppa Spengler enturn il president Marc Gianola stuì ir a la tscherta dad autras squadras. Chattà quellas equipas han ins en Scandinavia. Cun Örebro da la Svezia ed l'IFK Helsinki da la Finlanda èn duas fermas equipas questa giada da la partida. En il cas dad Örebrö è quai l’emprima equipa svedaisa che dat la Cuppa Spengler dapi sedesch onns. Sper Ambri, Örebro, Helsinki ed il HCD, èn anc il Team Canada e Sparta Prag da la partida tar il turnier da renum.
Per l’emprima giada en il nov stadion
La Cuppa Spengler n'è betg mo in spectacul da hockey, mabain è il turnier er ina festa da hockey sper il glatsch. Uschia ha ins questa giada per l’emprima giada dapi l’avertura dal nov stadion a Tavau la pussaivladad da mussar questa perla er als fans da la Cuppa Spengler.
Impressiuns da la Cuppa Spengler 2022
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
Uss è quai pussaivel da chaminar enturn ed enturn il stadion. Uschia duai quai dar inscunters cun fans ch’èn da chasa en in auter sectur. E cun far il viadi enturn ed enturn il stadion ha ins perfin anc la pussaivladad da vesair in mantun istorgia enturn il Club da hockey da Tavau che ha festivà l’onn passà ses giubileum da 100 onns.