Quest onn dastgan ils fans puspè sa legrar sin ina Cuppa Spengler – sco avant la pandemia da Covid. Quai ha ditg il president dal comité d'organisaziun, Marc Gianola ad ina conferenza da medias. 4 dals 11 gieus sajan quasi gia vendids ora:
audio
Marc Gianola davart la vendita da bigliets.
ord RTR Audio dals 04.12.2022.
Maletg: RTR
laschar ir. Durada: 23 Secundas.
Era uschiglio è Marc Gianola cuntent cun las preparativas da la Cuppa Spengler 2022. Suenter dus onns pausa pervia da la pandemia quinta el puspè cun ina gronda festa da hockey a Tavau.
A la conferenza da medias ha il HCD er annunzià che trais giugaders d'auters clubs vegnan a rinforzar ils Grischuns per la Cuppa Spengler. Quai èn l'American Andrew Rowe dals Rapperswil-Jona Lakers, il Finlandais Aleksi Saarela ed il Tudestg Marc Michaelis dals SCL Tigers.
Ils teams 2022
- Ambri-Piotta
- Örebro HK (Svezia)
- IFK Helsinki (Finlanda)
- Tavau
- Team Canada
- Sparta Prag (Tschechia)