Cuppa Spengler - Per il HCD è il turnier a fin

Ils hockeyans Grischuns han pers il quartfinal cunter TPS Turku cun 1:3. Il club finlandais frunta il glindesdi en il mezfinal sin il Team Canada.

• 9' Yannick Frehner (Benjamin Baumgartner) 1:0
• 16' Lauri Pajuniemi (Juuso Parssinen) 1:1
• 49' Joel Janatuinen 1:2
• 56' Joel Janatuinen (Elias Karvonen) 1:3

audio

Bunura: Schef da sport Raeto Raffainer davart Cuppa Spengler 2019

02:51 min, ord Actualitad dals 29.12.2019. Maletg: Keystone

laschar ir. Durada: 2 minutas 51 Secundas.

audio

Bunura: Tge ha mancà en il gieu cunter Turku?

00:15 min, ord Actualitad dals 29.12.2019. Maletg: Keystone

laschar ir. Durada: 15 Secundas.

Cuntrari al gieu cunter il Team Canada (1:5) han il HCD puspè dà il gieu cunter Turku cun il cader cumplet. Uschia èn ils trais giugadurs da rinforzament (Pesonen, Wellmann e Kristo) sco er Nygren, Tedenby e Palushaj puspè stads sin il glatsch.

Gia suenter nov minutas han els pudì manar cun 1:0, grazia ad in gol che Frehner ha fatg.

Silsuenter èn ils Finlandais sa meglierads ed han dumagnà da volver il gieu grazia ad in gol da Pajuniemi e dus da Janatuinen.

Avant il gieu

Cun 1:5 ha il HCD pers ier saira cunter il Team Canada. Plirs giugaders èn vegnids schanegiads tar Tavau, uschia che l'equipa n'ha gì nagina schanza cunter il topfavurit dal turnier. Per questa decisiun da schanegiar giugaders hai dentant er dà critica da fans.

audio

Cuppa Spengler – Christian Wohlwend davart la strategia da schanegiar giugadurs

03:43 min, ord Sportissimo dals 29.12.2019.

laschar ir. Durada: 3 minutas 43 Secundas.

RTR novitads 15:00++