Al segund di da la Cuppa Spengler a Tavau èn omaduas equipas Svizras stadas en acziun. La saira ha il HCD giugà cunter ils Svedais Frölunda HC. Il club da hockey da Tavau ha dominà questa partida e gudogna cleramain cun 4:1.
Il suentermezdi è Ambri-Piotta fruntà sin Kalpa Kuopio da la Finlanda. Curt avant la fin da l'emprim terz è Ambri ì en avantatg cun 1:0. En il segund terz ha lura Kalpa pudì egualisar e quai gist duas giadas uschia ch'igl è stà 2:2 avant l'ultim terz.
Ed er en las ultimas 20 minutas è il gieu restà plain tensiun. Ambri ha pudì ir en avantatg e bajegiar ora quel en las emprimas 5 minutas tar 4:2. Ma ils Finlandais n'han betg laschà suenter e pudì scursanir sin 4:3. En la 59avla minuta ha Ambri lura anc sajettà il gol ch'ha finalisà il 5:3.
