Siglir tar il cuntegn

Header

cuntegn

Curling Il siemi olimpic è a fin

Cun 6:9 perdan ils Svizzers lur partida encunter ils Australians, che avevan fin là anc gudagnà naginas partidas. Cun questa terrada han Jenny Perret e Martin Rios pers lur ultima schanza per anc pudair dumagnar en ils mezfinals dal mixed dubel dal curling.

Perret e Rios ch'eran anc ids per ina medaglia d'argient als gieus olimpics a Pyeongchang, pon be pli duvrar las duas ultimas partidas encunter ils Stadis Unids e la Norvegia per meglierar lur statistica. Quella stat tar duas victorias e tschintg terradas.

video
Il sbagl chapital en il 7avel end
Or da Beijing 2022 Clips dals 06.02.2022.
laschar ir. Durada: 39 Secundas.

Lur proxim gieu dattan ils Svizzers oz suentermezdi encunter ils Stadis Unids.

Irritaziun pervi da test positiv

Sco emprim avevi gì num ch'ils Australians na possian betg dar la partida perquai che la giugadra Tahli Gill era vegnida testada positiv sin il coronavirus. Suenter in'ordinaziun d'in medi ha ella dentant tuttina pudì far part.

Victoria cunter Tschechia

La sonda avevan ils dus Svizzers anc mantegnì in zic speranza suenter la victoria encunter la Tschechia. Là avevi anc vesì ora sco sch'il nuv saja s'avert tar els dus. Suenter il 11:3 avessan els dentant stuì gudagnar tuttas lur proximas partidas per pudair vegnir anc en il mezfinal.

video
Start perfetg: La Svizra procura gia baud per distanza
Or da Beijing 2022 Clips dals 05.02.2022.
laschar ir. Durada: 51 Secundas.

En la 6avla partida era il nuv finalmain s'avert tar ils dus Svizzers Jenny Perret e Martin Rios. Per pudair vegnir en la fasa da K.O. pudessi bain gia esser memia tard. Dentant ha la victoria dad 11:3 encunter la Tschechia fatg bain al duo.

Svezia memia ferma

En la 5avla partida da la Round Robin ston Jenny Perret e Martin Rios magunar la quarta terrada. Els èn stads senza schanza cunter la Svezia ed han pers cun 1:6. En il 7avel end ha il duo svizzer dà si.

video
Perret/Rios er cunter Svezia senza schanza
Or da Beijing 2022 Clips dals 05.02.2022.
laschar ir. Durada: 44 Secundas.

RTR novitads 07:00

Artitgels legids il pli savens