Las curlistas svizras stattan en il mezfinal dal campiunadi mundial en il Canada. L'equipa dal skip Silvana Tirinzoni ha battì en l'ultim gieu da la Round Robin cun 4:2 cunter la Svezia. Sco segundas suenter la prerunda pon ellas guntgir ils quartfinals ed èn directamain sa qualifitgadas per il mezfinal. L'adversari là n'è anc betg enconuschent.
Il suentermezdi han las dunnas svizras gudagnà il gieu d'emprima classa cunter l'Italia. L'equipa ha mussà pazienzia e la finala gudagnà cun 6:2.