Siglir tar il cuntegn

Header

cuntegn

Cursa da persecuziun Nagina schanza per ils svizzers

En il biatlon ha Emilien Jacquelin gudagnà il titel da campiun mundial tar la persecuziun sur 12,5 kilometers.

Als campiunadis mundials a Pokljuka en la Slovenia è il Franzos i sco terz a la partenza, cun in retard da 13 secundas. El ha fatg nagins sbagls cun sajettar ed ha gudagnà avant Svedais Sebastian Samuelsson ed il favurit, il Norvegiais «Johannes Tingnes Bö».
Il Svizzer Martin Jäger ha fatg set sbagls ed è vegnì 43avel. Niklas Hartweg ha fatg 5 sbagls ed è vegnì 48avel.

Er tar las dunnas naginas medaglias ord vista Svizra. Sin l'emprima plazza gudogna Tiril Eckhoff il campiunadi mundial en la cursa da persecuziun. Sin plazza dus l'austriaca Lisa Theresa Hauser e sin plazza trais la franzosa Anais Chevalier-Bouchet. La megliera prestaziun svizra mussa Lena Häcki sin rang 12. Selina Gasparin finescha sin rang 15 e sias soras Elisa ed Aita Gasparin sin rang 28 e rang 35.

RTR novitads 15:00

Artitgels legids il pli savens