Il podest
- 1. Aleksander Kilde (NOR) 1:39,63
- 2. Matthias Mayer (AUT) +0,66
- 3. Beat Feuz (SUI) +1,01
Sco gia en l'emprima cursa rapida da la stagiuna a Lake Louise en il Canada, è Beat Feuz vegnì terz a Beaver Creek en ils Stadis Unids. E quai malgrà ch'el ha sdrimà ina stanga en la part sura da la pista. Ina classa per sasez è stà il Norvegiais Aleksander Kilde ch'ha pudì festivar la segunda victoria entaifer 24 uras. Il di avant ha el gia gudagnà il super-G a Beaver Creek.
Ina ferma prestaziun ha er mussà Niels Hintermann ch'ha terminà la cursa sin il settavel plaz.
Ils ulteriurs Svizzers
- 7. Niels Hintermann + 1,28
- 15. Marco Odermatt + 1,65
- 16. Urs Kryenbühl + 1,74
- 28. Stefan Rogentin + 2,31
- 31. Gilles Roulin + 2,36
- 40. Nils Mani + 3,18
- DNF: Ralph Weber
Oz è in'ulteriura cursa rapida a Beaver Creek sin il program. La cursa cumenza questa saira a las 20:00 temp svizzer.