Damaun è la cursa rapida dal campiunadi mundial – ed en il davos trenament è Beat Feuz stà il terz spert. El ha pers sulettamain 36 tschientavels sin il meglier dal trenament, il Talian Dominik Paris.
Sin la pista «Vertigine» ch’è vegnida modifitgada suenter ferma critica dals skiunzs, ha Paris mussà sia classa. El è stà 13 tschientavels pli spert ch’il segund, l’Austriac Max Franz. Uschia han ils topfavurits marcà preschientscha.
Ulteriurs Svizzers han anc potenzial
Segund spert Svizzer è stà Carlo Janka da Sursaissa, sco 15avel ha el gì radund ina secunda retard sin Paris. Niels Hintermann sco 28avel perda 1,7 secundas sin il spert, e Marco Odermatt daventa cun in retard da 1,75 secundas 30avel dal trenament.
La cursa rapida dal umens a Cortina cumenza damaun las diesch e mesa.