Lara Gut-Behrami perda sco segunda 27 tschientavels sin Sofia Goggia. La Talianra aveva gia gudagnà la cursa dal venderdi. La Svizra è uschia stada la suletta cun in retard pli mudest sin la victura. La terza, la Taliana Elena Curtoni, ha gia pers sis dieschavels sin Goggia.
Ulteriuras Svizras cun buns resultats
Jasmina Suter fa a Crans-Montana ses meglier resultat da la cuppa mundiala – ses plaz sis è ina vaira surpraisa. Fin uss era il plaz 21 en ina cursa rapida ses meglier resultat.
Corinne Suter vegn da sa meglierar cumpareglià cun il plaz 14 dal venderdi – en la segunda cursa rapida daventa ella 8avla. Michelle Gisin vegn sin plaz 10.
