Feuz ha pers 35 tschientavels sin il victur, il Tudestg e matador local Thomas Dressen, ch'è partì sco emprim e silsuenter restà a la testa dal classament. Per il Svizzer èsi l'emprima giada ch'el ha manchentà questa stagiun il podest.
Arrivà cun be quatter tschientavels retard sin Beat Feuz en l'arrivada è Niels Hintermann sco 7avel. Per Hintermann, ch'aveva gudagnà il 2017 surprendentamain la cumbinaziun a Wengen, èsi la terza giada en sia carriera ch'el cuntanscha ils top 10.
Classament Garmisch
- 1. Thomas Dressen (GER) 1:39:31
- 2. Aleksander Kilde (NOR) + 0.16
- 3. Johan Clarey (FRA) + 0.17
Entras la victoria da Dressen cuntinuescha ina seria en la cuppa mundiala: en las ultimas tschintg cursas rapidas hai mintgamai dà ina «victoria da chasa». A Bormio ha Dominik paris gudagnà duas giadas, a Wengen è Beat Feuz ì cun la victoria, a Kitzbühl Matthias Mayer ed uss a Garmisch Thomas Dressen. L'ultima victoria en ina cursa rapida dad in ester hai dà il december a Beaver Creek; là è Beat Feuz ì cun las arbajas.
Ils Svizzers
- 6. Beat Feuz + 0.35
- 7. Niels Hintermann + 0.39
- 11. Carlo Janka + 0.55
- 17. Mauro Caviezel + 0.97
- 35. Ralph Weber + 2.12
- 50. Lars Rösti + 3.64
- OUT Gilles Roulin
RTR novitads 14:00