La seria incredibla da Marco Odermatt è a fin. Suenter 12 podests en fila è el vegnì 7avel tar la cursa rapida a Gröden. Gudagnà ha puspè il dominatur da las cursas rapidas Aleksander Kilde da la Norvegia. Segund è vegnì il Franzos da 41 onns Johan Clarey. Cun il Talian Mattia Casse sco terz ha er in mattadur local procurà per in punct culminant al classicher da chasa. Anc ina pli gronda sensaziun è stà il Franzos Cyprien Sarrazin, el è parti cun il dumber 61 ed è anc vegnì 6avel davant Marco Odermatt.
Ils resultats dals Svizzers:
- 7. Marco Odermatt (+0,92)
- 14. Urs Kryenbühl (+1,29)
- 18. Beat Feuz (+1,53)
- 20. Lars Rösti (+1,70)
- 24. Stefan Rogentin (+1,81)
- 26. Alexis Monney (+1,86)
- 33. Yannick Chabloz (+1,98)
- 53. Gilles Roulin (+3,17)
- Crudà ora: Niels Hintermann
