Siglir tar il cuntegn

Header

cuntegn

Cursa rapida a Kitzbühel Odermatt daventa 5avel en l'emprima cursa

Trais Svizzers èn vegnids en ils top 10 – gudagnà la cursa dad oz ha Aleksander Kilde.

Nagins Svizzers sin il podest en la cursa rapida da Kitzbühl. Marco Odermatt vegn sco meglier svizzer tschintgavel.

Ils top-plazzads

  • 1. Aleksander Kilde (NOR) 1:55,92 minutas
  • 2. Johan Clarey (FRA) +0,42 secundas
  • 3. Blaise Giezendanner (FRA) +0,63
  • 4. Matthias Mayer (AUT) +0,67
  • 5. Marco Odermatt (SUI) +0,78

Gia la cursa rapida al Lauberhorn ha Marco Odermatt terminà be cnap sper il podest sco 4. Aleksander Kilde ha gia triumfà a la cursa rapida scursanida dal Lauberhorn. Il Norvegiais sa cun quest resultat sa legrar da sia 6avla victoria da la stagiun. Ina cursa exemplarica han era ils dus Franzos Johan Clarey e Blaise Giezendanner mussà. Cun 41 onns ed il numer da partenza 17 gartegia a Johan Clarey il segund rang, ses segund podest suenter il 2017. A Blaise Giezendanner grategi da terminar sco gronda surpraisa sin il terz plaz cun il numer da partenza 43.

Ils ulteriurs svizzers

  • 8. Beat Feuz +1.14
  • 9. Niels Hintermann +1.19
  • 19. Urs Kryenbühl +1.83
  • 32. Gilles Roulin +2.52
  • 36. Ralph Weber +2.95
  • 39. Stefan Rogentin +3.32

Beat Feuz, l’onn passà anc victur dubel è vegnì 8avel, gist avant Niels Hintermann sin posiziun 9. Urs Kryenbühl dumogna suenter ses grond accident a Kitzbühel l'onn passà il rang 19.

Pervia dal ferm vent a la part sura dal percurs è la cursa vegnida scursanida. Damaun spetga il slalom al Ganslernhang. La dumengia suonda lura la cursa rapida al Hahnenkamm.

    RTR novitads 14:00

    Artitgels legids il pli savens