Tar la segunda cursa rapida a Kvitfjell hai dà dus plazzas da podest per la Svizra. Tant Beat Feuz, sco er Niels Hintermann sa tschentan sin il terz plaz. Gudagnà ha il Talian Dominik Paris avant il Norvegiais Aleksander Kilde.
Il podest
- Dominik Paris (ITA), 1:43,92 minutas
- Aleksander Kilde (NOR), +0,55 secundas
- Beat Feuz (SUI) e Niels Hintermann (SUI), +0,81
Aleksander Kilde ha uss 23 puncts avantatg sin Beat Feuz en il cumbat per la culla da cristal pitschna.
Per il Norvegiais Kjetil Jansrud, ch'è sa plazzà ordaifer ils top 30, èsi stà l'ultima cursa. El terminescha sia carriera da profi.
Ils resultats dals ulteriurs Svizzers
- 13. Marco Odermatt, +1,76 secundas
- 20. Ralph Weber, +2,08
- 26. Justin Murisier, +2,22
- 32. Gilles Roulin, +2,53
- 37. Stefan Rogentin, +2,75
- 42. Alexis Monney, +2,89
La dumengia ha lieu anc la terza cursa a Kvitfjell, in super-G.
