Il podest:
- Aleksander Kilde 1:31,60
- James Crawford +0,61
- Marco Odermatt +0,63
Marco Odermatt è ì per in'ulteriura plazza da podest en la cursa rapida da la cuppa mundiala ad Aspen. Il campiun mundial vegn terz davos il Norvegiais, Aleksander Kilde ed il Canadais James Crawford.
Pers la cursa ha Odermatt gia sin la part sura da la pista. En questas passaschas è el stà 71 tschientavels pli plaun che Kilde. En l'arrivada è el stà 63 tschientavels davos IL Norvegiais e dus davant il campiun mundial dal super-G.
Kilde va cun culla pitschna
Aleksander Kilde ha gudagnà anticipadamain la cursa per la culla pitschna da la cursa rapida. Quai cun sia sisavla victoria en questa disciplina. Gia l'onn passà è Kilde stà il retg da questa disciplina. Questa stagiun datti be pli ina cursa rapida, quai en duas emnas al final a Soldeu ad Andorra.
Ils ulteriurs svizzers:
- 6. Niels Hintermann +0,85
- 14. Stefan Rogentin +1,12
- 24. Marco Kohler +1,50
- 36. Justin Murisier +1,92
- 40. Gilles Roulin +1,98
- 45. Lars Rösti +2,10
- 46. Franjo von Allmen +2,17
- OUT Alexis Monney
Segund meglier Svizzer è vegnì Niels Hintermann sco sisavel. Il Turitgais ha manchentà ses segund plaz da podest en quest enviern per dus dieschavels. Stefan Rogentin suonda sin plazza 14. Il Bernais Stefan Kohler survegn grazia a ses 24avel plaz en sia segunda cursa rapida sin quest nivel, ses emprims puncts da la cuppa mundiala.
Odermatt, Hintermann e Rogentin vegnan er ad esser da la partida a l'ultima cursa rapida a Soldeu. Gille Roulin, Alexis Monney e Justin Murisier han manchentà questa finamira cun lur plazzas 26, 27 e 28 en il classament general da la disciplina. Al start pon lura ir be ils megliers 25.
