Per Marco Odermatt n'hai puspè betg tanschì per star sisum dal podest. El perda be 9 tschientavels sin il Franzos Cyprien Sarazzin tar la cursa rapida a Bormio en l'Italia. Che quels dus èn stads ina liga per sasez vesan ins tar la differenza tar il terz. Il Canadais Cameron Alexander ha gia 1,23 secundas retard sin il victur.
Il Podest
- Cyprien Sarrazin FRA 1:50,73 minutas
- Marco Odermatt SUI +0,09 secundas
- Cameron Alexander CAN +1,23
Suenter 15 curriders ha la cursa stuì vegnir interrutta, perquai che l'Austriac Marco Schwarz è crudà. El ha cun agid pudì bandunar la pista, e alura dentant vegnì sgulà cun l'helicopter en l'ospital.
UPDATE: L'Austriac ha ina ruptura dal liom cruschà (Kreuzbandriss) vi dal schanugl dretg ed uschia è la stagiun a fin per el. En questa stagiun è il skiunz da 28 onns stà quatter giadas sin il podest ed ha gudagnà il slalom a Madonna di Campiglio.
